ეროტიული სიზმრები

რას ნიშნავს ეროტიკული სიზმრები

ეროტიკული სცენები თითქმის ყველა ადამიანის სიზმარში არსებობს და ალბათ სინდისის ქენჯნაც განგიცდიათ იმის გამო, რომ სიზმრად ნანახი სექსუალური პარტნიორი, შეყვარებული ან ქმარი არ ყოფილა. 1895 წელს ზიგმუნდ ფროიდმა თავისი ერთ-ერთი ყველაზე მნიშვნელოვანი აღმოჩენა გააკეთა: სიზმარი – სურვილების ერთგვარი სიმბოლური ახდენაა. სექსუალურ ენერგიას მეცნიერი ადამიანის ძირითად მამოძრავებელ ძალად თვლიდა და ალბათ, სწორედ ამიტომაცაა, რომ ფსიქოლოგები განსაკუთრებულ ყურადღებას ეროტიკულ სიზმრებს უთმობენ. ინტიმური ურთიერთობით დაუკმაყოფილებლობა ხშირად სიზმარში პარტნიორის ბუნდოვანი ფიგურით ან გადღაბნილი სახით შეიძლება მოგევლინოთ. ასევე, შეიძლება ნახოთ მხოლოდ მისი ხელები, რომლებიც გეფერებიან ან სხეულის ინტიმური ორგანოები. სექსი  სიზმარში – ეს ინტიმის და სიახლოვის მოთხოვნილებაა. სხვებზე ძალაუფლების მოპოვების სურვილი. თქვენს რეალურ პარტნიორთან სექსის დასიზმრება – სტაბილურობას, სიყვარულს, ჰარმონიას, სიახლოვეს მიანიშნებს ამ ადამიანთან.

რას ნიშნავს, როდესაც სიზმარში სექსი გაქვთ?

საკუთარი სიზმრები ყველას ყოველთვის არ ამახსოვრდება, მაგრამ თუ ეს ასე მოხდა, სიზმრის მოგონებები შესაძლებელია საკმაოდ ნათელი და დაუვიწყარიც კი აღმოჩნდეს.  მნიშვნელოვანია იცოდეთ, რომ თუ თქვენ ვინმეს ხვდებით, სიზმარში სექსის ნახვა, ნორმალურია. თუ თქვენ გაქვთ სექსი ვინმესთან სიზმარში, ეს არ ნიშნავს, რომ მასთან სექსუალური ურთიერთობა გინდათ. ფაქტია, რომ ოცნებას სექსთან შეიძლება კავშირი საერთოდ არ ჰქონდეს. ხშირად, როდესაც ჩვენს სექსუალურ სიზმარში ვიღაც ჩნდება, ეს ნიშნავს, რომ თქვენ მასთან ურთიერთობაზე ოცნებობთ. თქვენ აფასებთ ამ ადამიანს და გინდათ მასთან უფრო ახლოს იყოთ. თუ თქვენი ყოფილი პარტნიორი დაგესიზმრათ, ფსიქოლოგების აზრით, თქვენ ტვინს ჯერ კიდევ არ გაუწყვეტია მასთან კავშირი. ნუ დაკარგავთ დიდ დროს თქვენი სექსუალური სიზმრების ანალიზში. ეს ბუნებრივია და თქვენს სექსუალურ სურვილებს არ უკავშირდება.

არ აქვს მნიშვნელობა, რამდენად ერთგული ხართ პარტნიორის ან მეორე ნახევრის მიმართ. ეროტიკულ სიზმრებს მაინც ვერ გაექცევით.

როგორც კი თავს ბალიშზე დადებთ და თქვენი ქვეცნობიერი გაძლიერდება, საკუთარი თავის კონტროლს აბსოლუტურად კარგავთ. გინახავთ სიზმარში, თითქოს იმ კოლეგასთან გქონდათ სექსი, რომლის მიმართ სულ ცოტა ხნის წინ ინტერესი გამოიჩინეთ? სიზმარში იდეალური სექსი გქონდათ და რომ გაგეღვიძათ, ფიქრობთ, როგორ უნდა ჩახედოთ მას თვალებში, განსაკუთრებით, თუკი თქვენ გვერდით პარტნიორი ან მეორე ნახევარი წევს? ნუ ინერვიულებთ. ეროტიკული სიზმრები ფსიქოლოგებმა ამგვარად განმარტეს:

კაცები, როგორც წესი, ეროტიკულ სიზმრებს ახალგაზრდობაში ხედავენ, ქალები კი უფრო ახალგაზრდული წლების შემდეგ. ქალებში, ასევე, ეროტიკული სიზმრები ოვულაციის პერიოდშიც ჭარბობს, რადგან ამ დროს ჰორმონების დონე ლიბიდოს მკვეთრად ზრდის. ამგვარ სიზმრებში ორგაზმი რეალურია.

ეროტიკული სიზმრები – ეს არ არის მხოლოდ ფიზიკური რეაქციები: ძილში სექსის დროს ტვინი აგზავნის სიგნალებს ნერვულ დაბოლოებებზე. ამგვარად, ის რეაგირებს ისე, თითქოს სექსუალური კავშირი რეალურად ხდება: სისხლი მიედინება საშოსკენ, იკუმშება და პულსირებს, რაც წარმოქმნის ორგაზმს. ადამიანების უმეტესობამ იცის, როდის აქვთ ამგვარი სიზმარი, რადგან ორგაზმის ინტენსივობა, მათ, როგორც წესი, აღვიძებთ.

ეროტიკული სიზმრები არც ისეთი გავრცელებულია, როგორც თქვენ ფიქრობთ. არსებობენ ადამიანები, რომლებსაც ამგვარი რამ არასდროს გამოუცდიათ. ეროტიკულ სიზმრებს, შესაძლოა, ფსიქოლოგიური ქვეტექსტიც ჰქონდეს – რატომ გაქვთ სიზმარში სექსი ზუსტად იმ ადამიანთან, რომელიც გჭირდებათ.

ფსიქოლოგები ამტკიცებენ, რომ ხშირად ვოცნებობთ, გვქონდეს სექსი იმ ადამიანთან, რომელსაც რეალობაში ვერასდროს შევეხებით, ამიტომ სექსუალური სიზმრები არა მხოლოდ ფიზიკური კავშირია, რომელიც გინდათ, არამედ ფსიქოლოგიური, რომელიც გჭირდებათ.

„მაგალითად, შესაძლოა, ბოლო დროს ვინმესთან საქმიანი ურთიერთობა გქონდათ, ან იქნებ, ერთობლივ პროექტზე მუშაობდით“, – განმარტავს ფსიქოლოგი. „ამ შემთხვევაში ეროტიკული სიზმარი „რეალურ ცხოვრებაში წარმატებულ კავშირს ან გონების შეხვედრას“ ასრულებს.

ასე რომ, ნუ ინერვიულებთ, თუკი სიზმარში სექსი იმ ადამიანთან გქონდათ, ვინც გიზიდავთ. თუკი სიზმარში ეროტიკული კავშირი იმ ადამიანთან გქონდათ, რომელსაც რეალურ ცხოვრებაში არასდროს შეხებიხართ, არც ეს იდარდოთ. ეს არ ნიშნავს, რომ ფარულად მასთან სექსის სურვილი გაქვთ.

თავდაცვით მექანიზმები ხშირად პრობლემის გაცნობიერების საშუალებას არ გვაძლევენ, ჩვენ გვიჭირს რაღაც-რაღაცეებისთვის თვალის გასწორება, გაუცნობიერებელი პრობლემები კი მერე, ,,ჩვენს წინაშე დგება როგორც მოვლენა . ყველაფერი რაც ჩვენს ცხოვრებაში ხდება, ჩვენი ქვეცნობიერის ოინებია, თუ გვინდა ჩვენი ცხოვრება ვმართოთ, ქვეცნობიერში დალექილი სურვილების, მოთხოვნილებების და შიშების გაცნობიერება უნდა მოვახდინოთ.

სიზმრები ჩვენ ქვეცნობიერში ჩახედვის საშუალებას გვაძლევენ, რაც თავისთავად პრობლემების გაცნობიერების და მათზე მუშაობის შანსია. ასე რომ, არ არსებობს ცუდი სიზმარი და კარგი სიზმარი, ეს უბრალოდ თქვენი ქვეცნობიერის რეაქციებია მიმდინარე მოვლენებთან დაკავშირებით. ჩვენ მათი ცნობიერში ამოტანა და ანალიზი უნდა მოვახერხოთ და მერე მოვახერხებთ საკუთარი ცხოვრების მართვასაც.

კომენტარები გამორთულია ამ ჩანაწერისთვის.